Sekretet e kafesë Ekspres

Jam e bindur që kafeja ka shumë fansa, madje edhe ata që nuk janë, ndoshta nuk kanë pirë kafenë e duhur.

Por të gjesh një ekspres të bërë mirë nuk është aq e lehtë. Do përpiqem të përshkruaj shkurt se si të dallojmë një ekspres korrekt, duke u bazuar në dy aspekte: cilësinë e kafesë (1 & 2) dhe teknika e trasformimit (pikat 3 & 4).

1. Mishela

Kokrrat e kafesë, pasi përzgjidhen në vendet e origjinës, kategorizohen sipas cilësisë dhe më pas shpërndahen në fabrikat e përpunimit. Në këto fabrika (të markave të ndryshme), përgatitet Mishela, ose përzierja e llojeve të ndryshme të kafesë. Secila markë ka raportet e veta të përzierjeve që mbahen sekret.

2. Lloji i kafesë: Arabike apo Robuste

Kafetë ndahen në dy kategori: Arabike dhe Robuste. E para është një kafe e cilësisë së lartë, me aromë e shije delikate, me ngjyrë të çelët dhe më e hollë. Robuste është një kafe me aromë dhe shije shumë të fortë, ngjyrë të errët, më e trashë. Kafeja Robuste është e një cilësie më të ulët.

3. Nxehtësia

Nxehtësia është thelbësore për kafenë. Nëse temperatura është shumë e lartë ajo e djeg kafenë, nëse është shumë e ulët kafeja nuk ekstradohet në mënyrë korrekte. Nxehtësia rregullohet nga vetë pajisja e ekspresit por banakieri duhet të njohë doemos parametrat.

Përveç temperaturës së brendshme duhet patur kujdes edhe nxehtësinë që del jashtë ekspresit. Kjo nxehtësi ngroh filxhanët që qëndrojnë mbi makinerinë e ekspresit, të cilët duhet të mos jenë shumë të nxehtë.

Në momentin që e marrim filxhanin e kafesë dhe ai është shumë i nxehtë për ta prekur me dorë, e jo më për ta afruar në buzë, do të thotë që kafeja ka shanse të jetë “djegur” për shkak të nxehtësisë në të cilën është mbajtur filxhani.

4. Ngjyra

Ngjyra është treguesja kryesore e cilësisë së ekspresit. Nëse ngjyra e kremit është shumë e errët do të thotë që kafeja është e “djegur”. Kjo zakonisht ndodh sepse kafeja është bluar shumë imët, duke e penguar ujin të kalojë përmes filtrit në mënyrën e duhur. Në këtë mënyrë uji I duke mos arritur të pëshkojë kafenë, e djeg produktin final. Kjo kafe do të jetë shumë e hidhur dhe me një shije të djegur në fund.

Nëse kafeja është shumë e çelët, gati e verdhë, për shkak të bluarjes shumë të trashë, uji ka kaluar shumë shpejt duke e filtruar shumë pak kafenë. Rrjedhimisht kafeja do të jetë shumë e hollë dhe pa shumë shije.

 

Ekspresi I bërë mirë duhet të ketë një ngjyrë të bukur lajthi, me krem homogjen por jo të trashë si shkumë, dhe nëse cilësia e kafesë është e lartë do të ketë një “tigraturë” me ngjyrë pak më të errët dhe filxhani duhet të jetë i mbushur rreth 2/3 e vëllimit.

Shënim: Ky artikull është publikuar për herë të parë në www.sweetandsouralbania.com në Janar 2015.